Mga Diona Alay kay Supremo 8 (Tulaan sa Facebook 2013 ng LIRA)

Mga Diona Alay kay Supremo 8 (Tulaan sa Facebook 2013 ng LIRA)

*Naisalba mulang Facebook Notes. Isang feature ng Facebook na itinigil noong Oktubre 2020

Pinanaligang Dibdib

Pinanaligang dibdib

Tibok ng baya'y dinig:

Paglaya'ng aming dalit!

10/25/2013

 

Ikaw Na Nga Ang Lunas

Ikaw na nga ang lunas,

Ang gamot na huhugas

Sa tatlong siglong sugat.

10/27/2013

 

Tanggapin ang Pag-ibig

Tanggapin ang pag-ibig

ko, bayang sakdal linis,

at magsusukli'y langit.

10/28/2013

 

At Ang Kapamanhikan

At ang kapamanhikan,

kasuotang dalisay

para kay Inangbayan.

10/29/2013

 

Jocelynang Baliwag 2013

 

Perenyal ang gunita;

Pinagbuklod ang bansa

Tatalima sa sumpa.

 

10/30/2013

Mga Diona Alay kay Supremo 3 (Tulaan sa Facebook 2013 ng LIRA)

Mga Diona Alay kay Supremo 3 (Tulaan sa Facebook 2013 ng LIRA)
*Naisalba mulang Facebook Notes. Isang feature ng Facebook na itinigil noong Oktubre 2020

5. Gulok

sa hurno ipinasok
bakal na galing bundok;
sagisag na pantubos.
 
8/21/2013
 
6. Sunog
 
Nagsimula sa tuldok
na diklap; pagkatapos,
kolonyalismo'y tupok.
 
09/03/2013
 
7. Yapak
 
Paa mo'y nakalapat
Sa lupa; mga yapak
mo'y daanan kong payak.
 
09/08/2013
 
8. Istratehiyang Katipunero
 
Ang pagtaas ng gulok
at pagsigaw ng "Sugod",
pinag-isipang bug-os.
 
09/10/2013

Kalimbahin

Larawan mulang https://upload.wikimedia.org/wikipedia/commons/thumb/0/02/Guava_ID.jpg/220px-Guava_ID.jpg

Kalimbahin*
Louise Vincent B. Amante

Ako ang maasim na bunga
Sa may mapapaklang dila.
Nakatitiyak namang
Sa bitamina C ay sagana.
Idura man
Ang mga buto ko,
Tiyak na punla
Ang mga ito sa lupa.

Halos sandaang araw
Bago pa mamunga
Ang pinagmulan kong puno?
Hindi sumipot ang bayan
Nang biglaan.
Lumilipas ang mga bagyo,
Napapawi ang panahong mainit.
Laging may aliwalas
Ang liwanag ng araw
Tuwing bagong umaga.

8 Oktubre 2021

*𝒌𝒂𝒍𝒊𝒎𝒃𝒂𝒉𝒊𝒏 - pink; uri ng bayabas na may mga butóng nakabaón sa lamukot na kulay pink; 𝑣𝑎𝑟. kalumbahín (Sanggunian: 𝑈𝑃 𝐷𝑖𝑘𝑠𝑖𝑦𝑜𝑛𝑎𝑟𝑦𝑜𝑛𝑔 𝐹𝑖𝑙𝑖𝑝𝑖𝑛𝑜, edisyong 2010).

Home-made Frappucino

Imahen galing sa https://addapinch.com/wp-content/uploads/2012/10/Homemade-Frappuccino-DSC_0560-2.jpg

Home-made Frappucino

Louise Vincent B. Amante 

Mga sangkap:

1/2 tasang almond milk na binili sa sosyaling supermarket

1/2 tasang mainit na tubig na galing sa sosyal na mineral water station

hazelnut coffee na galing Singapore

choco syrup na galing New York

whipped cream na galing sa Italy

Panuto:

1. Timplahin ang hazelnut coffee sa 1/2 tasang mainit na tubig. Haluing mabuti. Siguruhing kaya mong paghaluin ito. Pwede ring ipagawa sa inyong maid.

2. Ihalo ang 1/2 tasang almond milk. Tiyaking hindi expired ang gatas. Ipabasa kay Yaya ang expiration date.

3. Mag-swirl ng choco syrup sa isa pang baso. Dapat ay perfect ang pag-swirl. Remember the threads of a screw.

4. Ilipat ang pinaghalong inumin sa baso na may choco syrup. Dahan-dahan sa pag-pour ng coffee. Enjoyin . . . ang bawat segundo.

5. Idagdag ang whipped cream sa ibabaw ng inumin. Dapat ay instagrammable ang moment.

6. Inumin at mahalin ang sarili. You've surpassed a struggle.

29 Agosto 2021

The Torchbearer

Photo from https://pbs.twimg.com/media/BvSIAHWCcAAbbtW.jpg

The Torchbearer* 
Louise Vincent B. Amante
 
Your vision
is also our own.
Before the straight path
was spoken of, you walked on it;
embodied it even –
not as your own –
with us in your mind and heart.
 
Nobody could ever pull you
from treading on that path.
It is because you set foot there
and on that road
you are holding that torch.
Your grip is tight,
securely holding it to light
the cauldron
of our dreams.
 
You are not Prometheus,
many times you have declared this to us.
I am just a servant.
What a lowly servant you are!
Leaving a trail of footsteps
in our hearts.
 
But, Torchbearer,
you haven’t reached the cauldron.
Lay now in peace,
Torchbearer.
The flame you bring
ignited us to believe again
in our dreams.
 
 
08/23/2012
*for Sec. Jesse Robredo, 1958-2012

Pandemic Kiss

Fernando B. Sena, Pandemic Kiss (2020, soft pastel painting)

Link of photo https://scontent.fmnl17-2.fna.fbcdn.net/v/t1.6435-9/238891518_801772447118066_8681491235694800920_n.jpg?_nc_cat=107&ccb=1-5&_nc_sid=8bfeb9&_nc_eui2=AeFDA1HONVtHSdXSR1gMPpt6nrp8yjxLmkaeunzKPEuaRqRgNERlC1n9EVKlJR6UUdc&_nc_ohc=t7HfTe5-h-oAX_A0JqA&_nc_ht=scontent.fmnl17-2.fna&oh=ac6189279fa313dc26788daba1dc2f4e&oe=6146765E

Pandemic Kiss

(An ekphrasis after Fernando Sena's artwork)
Louise Vincent B. Amante

Wear your masks,
so they say.

But our lips

long

for each lover's
kisses.

Frail or healthy,
all of us are at risk.

And our cheeks
caress every breath
slipping out

of the
s p a c e s

from the words
we speak.

Cover the mouth
and nose,
block the virus
from harming our body.

Behind
our face masks
are the slightest
memories
we protect.
We still see
eye to eye,
an opening
we won't cover.

August 20, 2021

Quezon City

Tindig

Larawan mula sa https://www.businesslist.ph/img/ph/h/1453267172-73-hqc-building-equipments-corp.jpg

Tindig

Louise Vincent B. Amante

Kahit saang lupalop ng Ortigas Center,
Nagtatayugan ang mga itinitindig na mga gusali.
Posibleng condominium,
na may ilang residential units
at office spaces.
O may ilang office spaces
at maraming residential units.
O kaya'y maraming office spaces
at ilang residential units.
Mga kwadradong butas
na nagpatong-patong
na mapupunô
ng mga bintanà
paglipas ng ilang araw.

Mag-aala-una na ng hapon.
Muling maririnig ang pukpok ng mga martilyo,
ng mga angil ng grinder,
ng pingkian ng bakal at welding machine,
ng pag-ikot ng crane machine,
ng naghahalong cement mixer,
ng mga construction worker
na kanina'y nakapag-siesta--
kahit kaunti--
sa itinatayo nilang condominium.

August 16, 2021
Quezon City

Esensyal

Kuha ng may-akda habang naghihintay sa Cinema '76 Cafe sa Aurora Blvd. Anonas, Quezon City

Esensyal
Louise Vincent B. Amante

Dumampot sa mga estante
ng tisyu, sabon,
kape, gatas, juice, asukal,
sardinas, tuna, corned beef,
luncheon meat, mushrooms,
spaghetti, macaroni,
butter, margarine,
tasty bread, biskwit.
Isakay lahat sa push cart.
Pumila sa counter.
Magtiis kahit kaunti.
Hep! Iwasang gumamit ng cellphone
at tumingin sa facebook
o instagram.
Bumasa ng libro, mayroon
dapat niyan sa bag.

Pagkabayad,
isakay na sa kotse ang mga pinamili.
I-disinfect na agad
gamit ang UV light.

May kalahating oras pa
hanggang sa matapos
ang pagdi-disinfect.
Maglakad sa coffee shop.
Mabuti't may al fresco dining.
Umorder ng mocha frappe.
(Siguruhing hindi ito fake.)
Basahin ulit ang baon na libro.

Lalampas ang kalahating oras.
Nawala ang lamig ng inumin.
Nabusog naman ang isip.


August 17, 2021

Quezon City

An Elephant in the Room

Image from https://www.listeningpays.com/wp-content/uploads/2013/07/ELEPHANT-IN-THE-ROOM-1.jpg

An Elephant in the Room

There's an elephant in the room.
But I do not see it. I see the angpao
--given by my godfather a few years ago -- 
on my writing table. Someone
opened it and left the evidence.

There's an elephant in the room.
But I do not hear it. I hear the heavenly
dripping of the coffee from the coffee maker.
Every drip is a note from an angel's lyre,
waking the sleeping mind from a now forgotten dream.

There's an elephant in the room.
But I do not know it's scent. Does it smell
like a pigsty? A hen house? A loafing shed?
What I smell is the fragrance of sweet rain outside,
bathing the concrete houses and their colorful roofs.

There's an elephant in the room.
But I do not eat bushmeat. If there's any chance, 
I won't. I will not also buy ivory products.
The elephant is critically endangered.
That is enough reason.

There's an elephant in the room.
It lingers, waiting there in the corner.
Don't you fret, I will write about it.

August 15, 2021
Quezon City

Tutubi, Tutubi . . .

Larawan galing sa https://www.thoughtco.com/thmb/R-bZC8zaMhmLPQSVBydZ5NnRigA=/1500x844/smart/filters:no_upscale()/Dragonfly-58d94b2c5f9b584683b7b5d9.jpg

Tutubi, Tutubi . . .

Louise Vincent B. Amante

Saan dumapo ang tutubi?

𝑆𝑎 𝑘𝑜𝑟𝑜𝑛𝑎 𝑛𝑔 ℎ𝑎𝑟𝑖.

Bakit doon dumapo?

𝐴𝑘𝑎𝑙𝑎 𝑛𝑖𝑦𝑎'𝑦 𝑑𝑜𝑜𝑛 𝑠𝑖𝑦𝑎 𝑛𝑎𝑘𝑎𝑡𝑖𝑟𝑎.

Bakit titira ang tutubi sa korona?

𝐴𝑘𝑎𝑙𝑎 𝑛𝑖𝑦𝑎'𝑦 𝑠𝑎𝑝𝑎̀ 𝑎𝑛𝑔 𝑢𝑙𝑜 𝑛𝑔 ℎ𝑎𝑟𝑖.

Baka naman naghahanap
ng katalik ang tutubi.

𝐵𝑎𝑘𝑖𝑡 𝑛𝑎𝑚𝑎𝑛 𝑠𝑖𝑦𝑎 𝑚𝑎𝑘𝑖𝑘𝑖𝑝𝑎𝑔𝑡𝑎𝑙𝑖𝑘?

Natural, para dumami sila.

𝐻𝑖𝑛𝑑𝑖 𝑝𝑎 𝑏𝑎 𝑠𝑖𝑙𝑎 𝑚𝑎𝑟𝑎𝑚𝑖?
𝑀𝑎𝑟𝑎𝑚𝑖 𝑛𝑎 𝑎𝑘𝑜𝑛𝑔 𝑛𝑎𝑘𝑖𝑡𝑎𝑛𝑔
𝑡𝑢𝑡𝑢𝑏𝑖 𝑠𝑎 𝑏𝑢ℎ𝑎𝑦 𝑘𝑜.
𝑇𝑢𝑡𝑢𝑏𝑖𝑛𝑔 𝑘𝑎𝑟𝑎𝑦𝑜𝑚,
𝑡𝑢𝑡𝑢𝑏𝑖𝑛𝑔 𝑘𝑎𝑙𝑎𝑏𝑎𝑤 . . .

At hinuhuli mo,
tapos, pipilasin
ang mga pakpak,
isisilid sa garapon . . .

𝐵𝑎𝑡𝑎 𝑙𝑎𝑛𝑔 𝑎𝑘𝑜 𝑛𝑜𝑜𝑛.

Na naghahanap ng katalik. 

14 Agosto 2021

Lungsod Quezon

Pag-uwi

Mula ang larawan sa https://i.ytimg.com/vi/_DTjocpedL0/maxresdefault.jpg

Pag-uwi

Sumakay ka sa likod ni Spider-man
Nang makita niyang kumakaway
Ka sa loob ng masikip na MRT.
Mabilis kang nakauwi sa bahay
Dahil sa kanya. Pagbukas mo ng TV,
Laman ka ng balita.
Pero ang naghatid pala sa iyo
Ay si Batman.

12 Agosto 2021
Lungsod Quezon

Silid 401, Vinzons Hall

Larawan mula sa http://photos1.blogger.com/blogger/5389/2064/1600/vinz02.jpg

Silid 401, Vinzons Hall

Louise Vincent B. Amante

Simbolo ito ng toreng garing,
anilang mga tumatanaw
dito na namamangha.
Ngunit ang mga tao
na miminsang pumasok
at lumabas dito'y
higit pa sa kanilang mga byline.

Tinipa sa Silid 401
ang mga balita
at lathalain
tungkol sa naghihikahos
na mga gwardya
at janitor
ng pamantasan,
ang paikot-toki
na byahe ng mga drayber
para sa papalit-palit na ruta
nila sa loob ng kampus,
ang mga instruktor
at propesor
na nanlilimos ng tenure
kahit higit pa sa may Ph.D.
ang kanilang mga saliksik.

Ginuhit ng mga dibuhista
at kinunan ng mga litratista
ang mga barker sa Philcoa
at Katipunan,
si Zorro sa Sunken Garden,
ang Lagoon,
ang magkasintahan
sa UP Fair,
ang papalubog na araw
sa harap ni Oblê,
ang mga rali at demo,
ang mga naging pangulo
at mga sinunog na effigy nila.

Lahat ng ito'y
binuno
sa mga lumang kompyuter
at pupugak-pugak
na printer,
sa pagitan ng mga yosi
at ilang tasa ng kape.
Isama na ang Empi
pati gin bilog.

Paglapag
ng pahayagan
sa mga bulwagan,
binabasa
ng mga mag-aaral
ang mga artikulong
hindi malalathala
na naganap
sa labas
ng Silid 401, Vinzons Hall. 

10 Agosto 2021
Quezon City

Palaisipan

Larawan mula sa https://icebreakerideas.com/wp-content/uploads/2019/04/Trick-Questions-IcebreakerIdeas-e1603592906653.jpg

Palaisipan

⁠Paano kung hindi ka makakita?
Wala nang pangit para sa iyo.
Ang ganda siguro ng buhay, ano?
⁠
Paano kung hindi ka makarinig?
Wala nang maingay para sa iyo.
Ang ganda siguro ng buhay, ano?
⁠
Paano kung hindi ka makaamoy?
Wala nang mabaho para sa iyo.
Ang ganda siguro ng buhay, ano?
⁠
Paano kung hindi ka makakain?
Wala nang gigilingin ang tiyan mo.
Ang ganda siguro ng buhay, ano?
⁠
Paano kung hindi ka makapag-isip?
Wala nang problemang darating sa iyo.
Ang ganda siguro ng buhay, ano?

Paano kung hindi ka makasalita?
Wala nang makikinig sa iyo.
Ang ganda siguro ng buhay, ano?
⁠⁠
Paano kung hindi ka magmahal?
Wala nang uunawa sa iyo.
Ang ganda siguro ng buhay, ano?


Agosto 9, 2021
Quezon City

Pandesal

Ma-Jusay Bakery sa Angono, Rizal. Mula sa https://blogger.googleusercontent.com/img/b/R29vZ2xl/AVvXsEhVh55l3okHgB4GEuUXPE4z6jBeIMZ5ZjyzXMwxCBzeqZk7tso2rYXkHig0rAqYciUgOPDkWs9APaeqXN0dWJl9hUxC3QsRTPKgsVNKUpWrFaZ6beo7jK7j9KPbptH3VOK2v-iZaOrS_u0/s1600/DSCN4165.JPG

Pandesal
Louise Vincent B. Amante

⁠Pandesal na bagong luto
at kalahating Dari Creme
na binili sa Ma-Jusay
sa tapat ng munisipyo.
Pipilasin ang tinapay,
ipapahid sa mantekilya.
⁠
Kagat . . . nguya . . . lunok . . .
⁠
Buhay na ang dugo
naming magbabarkada.
Handa na uling gumawa
para sa mahal na parokya. 

7 Agosto 2021
Lungsod Quezon

Gitara

Mula ang larawan sa https://thekevinpableo.files.wordpress.com/2020/05/stickerhappy-1.jpg?w=723&h=485

Gitara
Louise Vincent B. Amante

Kinandong ko ang gitarang
binili ni Tatay sa naglalakong matanda.
Di ko alam kung bakit napabili si Tatay,
matamis kaya ang dila ng nagbebenta?

Tinipa-tipa ko ang kuwerdas.
Binuklat ko ang chord chart
na nasa songhits ni Ate.
Di lumalapat ang mga daliri ko
para mapatunog ang A chord.

Sumasabit ako sa pag-istram.
Inulit ko nang inulit, wala pa rin.

Paano nga ulit ang D, E, C, at G?

Madali lang ang E minor, A minor, D minor.

Saka na ang F, F#, G#, Bb, B, C#, at Eb.

Isinilid ko muna sa case ang gitara.
Dinala ko kina Kuya Ely.
Kinuha niya sa case ang gitara at itinono.
Tumipa siya ng G chord. Tapos ay C.
Apat na kumpas kada chord. Inulit ang pattern.

"O, pare ko . . ."

Saka ako natutong magmurá.

Agosto 6, 2021
Lungsod Quezon

"Isang Hiwaga" ni Wendy Cope

Larawan mula sa https://i.gr-assets.com/images/S/compressed.photo.goodreads.com/books/1335591885l/13624889.jpg

 

Larawan ni Wendy Cope. Mula sa https://i.guim.co.uk/img/static/sys-images/Guardian/Pix/pictures/2014/11/11/1415711497882/b6c708f0-06ca-4148-865e-d561e17a398b-2060x1236.jpeg?width=1200&height=630&quality=85&auto=format&fit=crop&overlay-align=bottom%2Cleft&overlay-width=100p&overlay-base64=L2ltZy9zdGF0aWMvb3ZlcmxheXMvdGctZGVmYXVsdC5wbmc&s=12734368d22e0b7987640b0f4f969370

Isang Hiwaga
ni Wendy Cope

Sabi ng mga tao, ‘Ano’ng mga ginagawa mo ngayon? Ano’ng mga

            pinagkakaabalahan mo?’

Napaisip ako bigla.

Kiniliti ako ng tanong. Ano ngang mga ginagawa ko
            ngayon?
Kakatwang hindi ko nababatid.

Ngayon naman, siyang tunay, ginagawa ko ang tulang ito,
Ilang taludtod na lang ang idudugtong ko.

Ngunit bukas may magtatanong uli, ‘Ano’ng mga ginagawa

            mo ngayon? Ano’ng mga pinagkakaabalahan mo?’

At di ko pa rin ang alam ang sagot.

 

Salin ni Louise Vincent B. Amante

Cope, Wendy. “A Mystery.” If I Don’t Know, Faber & Faber, 2001, p. 24.

Mga Diona Alay kay Supremo (Tulaan sa Facebook 2013 ng LIRA)

Mga Diona Alay kay Supremo (Tulaan sa Facebook 2013 ng LIRA) *Naisalba mulang Facebook Notes. Isang feature ng Facebook na itinigil noong Oktubre 2020 1. Maypagasa
Tinadtad ka man noo't
sa lupa'y di binaon,
layon mo'y buhay ngayon
 
06/24/2013
 
2. Dapat Mabatid
 'Yong tabak at panulat
magkasanggang matapat
kaya katwira'y dapat.
 
06/27/2013
 
3. Ang Kalayaan
Peryodikong nilimbag,
paralumang liwanag
sa mga nabubulag.
 
06/30/2013
 
4. Abaniko
Ang abanikong hawak
matapos iwasiwas
ay gulok na matalas. 06/30/2013

Ichthus

Larawan ni Nicole Marionette De Castro, mula sa Twitter account ng St. Clement Parish (@scpangono). Link ng larawan: https://twitter.com/scpangono/status/1065783484608696321/photo/1

Ichthus* Louise Vincent B. Amante

Pagdaong ng pagoda, Huhudyat ang tambol

Ng stacatto na ritmo.

Susunod ang palo

sa mga tom-tom at bajo.

Mabilis ang melodiyang

Umiihip sa mga plawta,

Klarinete, saksopono,

Trombón, trompeta:

Umiindak ang bayan

Sa tugtog na pandanggo.

Sa pagbalik ng prusisyon

Sa simbahan,

Nasa angkla ng patron

Ang nahuling mga isda ng lawa.

May kanduli, bangus,

Tilapia, ayungin, karpa.

Kapag matataba’t

higit sa labindalawa,

sagana ang buong taon.

Kapag payat at kulang sa pito,

Baya’y mapapaantanda’t

Mapapabuntonghininga.

Pagdating sa patio,

Basâ ang damit ng lahat.

Tutugtog naman ng paso doble

Ang mga tambol at tom-tom,

Bajo, plawta,

Klarinete, saksopono,

Trombón, trompeta.

Sabay-sabay ang bayan sa pag-indak.

Iuugoy ang patron sa kanyang andas.

Pati mga isda’y napapasayaw

Sa galiáng kanilang nasasaksihan. #

Hunyo 2, 2021

*Kabilang sa SAMBANGKA: 15 Tula, proyektong koleksiyon ng mga tula/awit ng Angono Tres-Siete (3/7) Poetry Society para sa pamimintuho sa Mahal na Patrong San Clemente at ambag sa panawagang maituring na diocesian shrine ang Parokya ni San Clemente sa Angono, Rizal. Unang nilimbag sa facebook page ng Angono Rizal News Online, 6 Hunyo 2021. 

Link sa buong koleksiyon: https://www.facebook.com/221752811169154/photos/a.849857511692011/4334672226543838/

San Clemente, Pintakasi

Larawan ni Nicole Marionette De Castro, mula sa Twitter post ng St. Clement Parish (@scpangono). Link sa larawan: https://twitter.com/scpangono/status/1065783484608696321/photo/1 

San Clemente, Pintakasi*

Louise Vincent B. Amante

Nang itali sa ‘yong leeg
Angklang bago at makinis,
Hudyat itong mapapatíd
Ang hininga mo ng tubig.

Tubig din ang nagsiwalat
Taon-taon sa ‘yong rilag.
Mula sa pusod ng dagat,
Itong himala’y namalas.

Namalas ng buong mundo
Di ang tiara sa ‘yong ulo
Kundi pag-ibig mong puro
Umabot sa bayang ito.

Itong mahal naming bayan
Angono ang tanging ngalan
Sa lupa’t tubig nabuhay
Kami dahil sa ‘yong gabay.

Gabay ka sa paglalayag
Ng pagodang matataas
Palamuti’y banderitas
Sa lawaang kumikislap.

Kumikislap mga kulay
Ng kambas, mga awitan.
Sining ng baya’y yumaman
Sagana sa bagay-bagay.

Bagay naming sinasabi
Mga salitang mabuti’t
Higit sa mga brilyante:
San Clemente, Pintakasi. #

Hunyo 2, 2021

*Kabilang sa SAMBANGKA: 15 Tula, proyektong koleksiyon ng mga tula/awit ng Angono Tres-Siete (3/7) Poetry Society para sa pamimintuho sa Mahal na Patrong San Clemente at ambag sa panawagang maituring na diocesian shrine ang Parokya ni San Clemente sa Angono, Rizal. Unang nilimbag sa facebook page ng Angono Rizal News Online, 6 Hunyo 2021.

Link sa buong koleksiyon: https://www.facebook.com/221752811169154/photos/a.849857511692011/4334672226543838/

"Tugma" ni Robert Pinsky

Tugma
Robert Pinsky

Hangin ay instrumento ng dila,
Ang dila'y kagamitan
Ng katawan, ang katawan
Ay instrumento ng kaluluwa,
Ang kaluluwa'y nilalang ng hangin.

Daluyan ang ibon ng kanyang awit.
Ang awit ay daigdig, isang sisidlan
Tulad ng kuwarto ng otel, handa
Sa ating mga panauhing magmamana
Roon ng sisidlan ng panahon.

Sa Cornell box, kasama
Ng efímera bilang sangkap,
Ang mëkhing na ibon–isang pag-aaral
Ng dagling dung-aw, ang gaya-gayang
Sining, patay sa sulok ng kanyang daigdig.

Ang silid isang saknong tuntungan
Sa hagdang-hibla
Inakyatan ng mga mabuway
Isinilid na mga tinig na nakikisuno
Bawat isa'y bumibigkas Narito rin ako–

Sa isang silid, isang tugma, isang awit.
Sa mga kahon, sa mga aklat: bawat sangkap
Isang kagamitan, ang katawan
Pinipilit na gagarin
Ang kaluluwa, nilalang ng hangin.

Salin sa Filipino ni Louise Vincent B. Amante

mëkhing - (Ibaloi) pinatuyong katawan ng patay, mummy sa Ingles
dung-aw - (Iluko) awit papuri sa isang yumao

Mula sa: Pinsky, Robert. "Rhyme" from Gulf Music. Farrar, Straus and Giroux, 2007. p. 49-50.