𝐁𝐨𝐛 𝐃𝐲𝐥𝐚𝐧 𝐏𝐡𝐢𝐥𝐢𝐩𝐩𝐢𝐧𝐞 𝐂𝐨𝐧𝐯𝐞𝐧𝐭𝐢𝐨𝐧 𝟐𝟎𝟐𝟏

Sari-saring aklat at magasin tungkol kay Bob Dylan. Tatlo ang tanging nilikha ni Dylan: Tarantula (1971), Chronicles, Volume 1 (2004), at Bob Dylan: The Lyrics, 1961-2012 (2016; unang edisyon, 2004). Kuha ng mananaysay ang larawan.

𝐁𝐨𝐛 𝐃𝐲𝐥𝐚𝐧 𝐏𝐡𝐢𝐥𝐢𝐩𝐩𝐢𝐧𝐞 𝐂𝐨𝐧𝐯𝐞𝐧𝐭𝐢𝐨𝐧 𝟐𝟎𝟐𝟏

Dahil birthday ni Bob Dylan kahapon...

Napa-Zoom meeting kami kagabi, lampas 8pm, nina Abet, Gat Mizael, Von, Rene "Bong" Acosta, at Sir Ociredef Zeugnimod a.k.a. Boy D(ylan). Nagsimula lang ito sa isang thread sa aking FB post ng isang linya mula "Ballad of A Thin Man" ni Dylan. (Narito ang link: https://bit.ly/2RBKRdj)

Sinimulan namin ang huntahan sa pag-ukilkil sa kantang "My Own Version of You" ni Dylan na kasama sa pinakahuli niyang album, ang 𝑅𝑜𝑢𝑔ℎ 𝑎𝑛𝑑 𝑅𝑜𝑤𝑑𝑦 𝑊𝑎𝑦𝑠 (2020). Suhestiyon ito ni Abet bago pa ang Zoom meeting. Di ko napapansin ang lyrics pero babad si Abet sa pag-aaral nito. Habang binabasa ko ang lyrics, makikitang pilosopikal pa rin ang Mamà. Ang una ko pang tingin dito, may pa-impress dahil sa kapapanalo pa lang niya ng Nobel Prize noong 2016. At itong 𝑅𝑜𝑢𝑔ℎ 𝑎𝑛𝑑 𝑅𝑜𝑤𝑑𝑦 𝑊𝑎𝑦𝑠 ang pinakauna niyang album ng mga orihinal na kanta mula 2012. Pero sa huntahan namin, consistent si Dylan mula pa 1960s sa kanyang pilosopiya na madudukal sa kanyang mga kanta. Mula sa 𝑇ℎ𝑒 𝐹𝑟𝑒𝑒𝑤ℎ𝑒𝑒𝑙𝑖𝑛' 𝐵𝑜𝑏 𝐷𝑦𝑙𝑎𝑛 (1962) hanggang sa 𝑇𝑒𝑚𝑝𝑒𝑠𝑡 (2012), solido siya sa paghahapag ng taguri niyang "mathematical music" na sa palagay ko'y bansag niya sa kanyang pagiging intelektwal, aminin man niya o hindi.

Syempre, may mga performances ala-Dylan. Si Von na kumakalabit ng gitara ang tumira ng "Buckets of Rain" at "Tomorrow is A Long Time" sa pagitan ng huntahang papunta na sa cerebral na usapan. Siya lang ang may tinotoma. Sari-sari ang pinuntahan namin, mula folk revival na sinimsim ni Dylan noong unang bahagi ng 1960s sa Estados Unidos, sa pag-electrify niya mula 1965 na kinainis ng mga puristang folkie at "fellow traveler," sa awtobiyograpiya ng 𝐵𝑙𝑜𝑜𝑑 𝑜𝑛 𝑡ℎ𝑒 𝑇𝑟𝑎𝑐𝑘𝑠 (1976), sa Christian-inspired na 𝑆𝑙𝑜𝑤 𝑇𝑟𝑎𝑖𝑛 𝐶𝑜𝑚𝑖𝑛𝑔 (1979) hanggang sa pagtiwalag dito sa 𝐼𝑛𝑓𝑖𝑑𝑒𝑙𝑠 (1983), sa selebrasyon ng mga katropang artist sa kanyang 30𝑡ℎ 𝐴𝑛𝑛𝑖𝑣𝑒𝑟𝑠𝑎𝑟𝑦 𝐶𝑜𝑛𝑐𝑒𝑟𝑡 𝐶𝑒𝑙𝑒𝑏𝑟𝑎𝑡𝑖𝑜𝑛 (1993), hanggang sa kanyang creative rebirth na produkto ng 𝑇𝑖𝑚𝑒 𝑂𝑢𝑡 𝑜𝑓 𝑀𝑖𝑛𝑑 (1997).

Di lang kami napakò kay Dylan. Napag-usapan din ang ilang sitwasyong pangkultura ng bansa, mula sa painting at musika. Dahil yumayaman na ang talakayan, kulang na lang ay magtayo kami ng pormal na Dylan convention dito sa Pilipinas.

Dahil kumakatok na ang hatinggabi, ni-request ko kay Von ang ending song, ang "All Along the Watchtower." Sinasabayan namin si Von sa pag-awit.

Umaalingawngaw sa hangin ang himig ni Bob Dylan.

(Hindi ko na-screenshot ang huntahan. Sayang. Kaya ito na lang ang larawan sa itaas. Naiskor ko ang lahat ng aklat at magasin sa iba-ibang branch ng Booksale at mobile second-hand bookshop sa UP. Ang unang edisyon ng 𝐵𝑜𝑏 𝐷𝑦𝑙𝑎𝑛: 𝑇ℎ𝑒 𝐸𝑠𝑠𝑒𝑛𝑡𝑖𝑎𝑙 𝐼𝑛𝑡𝑒𝑟𝑣𝑖𝑒𝑤𝑠 ay nabili ko kay Sir Marcus A. Tanging 𝐶ℎ𝑟𝑜𝑛𝑖𝑐𝑙𝑒𝑠, 𝑉𝑜𝑙𝑢𝑚𝑒 1 ang brand new na binili ko.)

U2 - With or Without You (Live at the BBC)

Song for the current mood.

Jewel - What's Simple is True

Song for my current mood. (Video not mine)

The Clash - London Calling (Live)

Soundtrack for the day, 23 August 2018. (Video not mine.)

Areglo

Larawan mula sa http://www.sunstar.com.ph/sites/default/files/styles/large/public/field/image/article/blind_street_performer_busking_0.jpg?itok=Mm_jQHTG

Areglo
ni Louise Vincent B. Amante

Ilang ulit nang kinaskas
ng bulag na musikero
ang gitarang may biyak
ang bibig at ang mga kuwerdas
ay halos kalawangin na.
Silindro'y laylay 
sa sinasabitang batok.
Mikropono'y pumapalya.
 
Pero sige lang nang sige.

Pamilyar na mga kanta
ang tinutugtog, inaawit,
umaalingawngaw hanggang
sa kabilang panig ng overpass.
Ngunit kanina pa 
kinakapos
ang melodiya
ng mga barya
sa donation box.


Lungsod Quezon
15 Marso 2018

Piece

You're not created by a genius,
but most of the geniuses genuinely
crafted your harmony, your melody.
Each note rightly placed on the staves.
Every chord rings, poco a poco,
the players played
your music passionato.

Since your aural journey,
there were audiences pleased
and there were not.
Your crescendos and decrescendos
cause them to shake their heads.
Some of your allegros and fortes
cause them to walk away.
They preferred music of the old times --
those that lulled them to some faraway
kingdoms in their sleep.

But you knew that your notes
were meant to give them
something to think of.
Your melody
is made of the sounds of gongs,
spears thudding the earth,
the thumping of feet.
Sopranos, altos,
baritones,
tenors, and basses
travel and echo far and wide
to every corner of this world.

Those ears who are eager
for something new, for change
heard you.
They sing your song.
They play you.
And they are many.


26 December 2016
 
 

Idol (multiply post, Nov 9, '10 5:38 PM)

Kapag kinakalabit niya ang gitara,
Nauulinig ang harmonya’t melodiyang

Mula sa pagdildil ng asin at sa tuyong
Lalamunan. Kaya’t kanyang naituturo

Na ang gitara niya’y naisasahimig
Ang hangad na buhay ng mundong inaawit.

May halina ang kanyang tinig. Nararapat
Lamang na walang mapapatid na kuwerdas

Sa gitarang kandong n’ya habang nagtatanghal.
Ngunit nagsasara din ang popular na bar.

Uuwi ang mga nasiyahang kustomer.
Ang hangad niya’y mamulat sila sa dilim.


11/06/2010

 

Tags: literature, tula, music, guitar man, panitikan, poetry

 

http://lvbamante.multiply.com/journal/item/64/Idol

Ang Pag-ibig ay Cassette Tape (multiply post, Jun 5, '10 9:36 AM)

Isalang na’ng cassette tape.
Pindutin agad ang play.
Dinggin ang inaamag
Na’t garalgal na awit.

05/31/2010

Tags: pag-ibig, tula, music, reuel aguila, tanaga

http://lvbamante.multiply.com/journal/item/54/Ang-Pag-ibig-ay-Cassette-Tape

Tungkol sa Kapaskuhan, ayon sa Eraserheads (multiply post, Dec 15, '08 1:10 PM)

Isa lamang itong pagmumunimuni ko nitong mga nakaraang araw. Pero may katagalan na palang nasa utak ko. Kung baga, nasa subconscious ko.

Mahigit nang sampung taon ko nang pinatutugtog ang Fruitcake album ng Eraserheads tuwing papalapit at nariyan na ang Kapaskuhan. Sino nga ba naman ang hindi masisiyahan kapag ganitong panahon ng pagbibigayan at pasasalamat na kahit minsa'y nagiging payapa ang mundo? Na ang pagpapasalamat ay dapat lang iukol sa pagsilang ni Jesus bilang ang Dakilang Manunubos.

Ang paglabas ng Fruitcake bilang Christmas album ng Eraserheads ay hindi naman kakaiba dahil marami namang banda't musikero sa mundo ang may ganito ring album. Sa biglang tingin, nakikibahagi ang banda sa pagdiriwang ng Pasko. Inamin ng banda na isa itong soundtrack sa isang children's book na sila rin ang may-akda. Naimpluwensiyahan sila ng mga tulad nina Roald Dahl, L. Frank Baum, Kurt Vonnegut, John Lennon, at ng pelikulang The Rocky Horror Picture Show sa paggawa ng akdang ito. (Sa kasamaang palad, hindi na nakapag-reprint ang publisher nito.)

Ngunit ang ginawa ng Eraserheads ay hindi lang pag-ambag sa pagdiriwang. Makikita sa unang stanza ng kanilang awit na "Fruitcake" ang kakaiba ngunit pesimistiko nilang pananaw ukol sa Pasko.

It's the season for being happy
But the reason is dead and gone
If the reason for being happy
Takes a backseat when the season's done

Patungkol ito kay Jesus na sa panahong nilikha ang awit ay ipinamamalas lamang ng banda na ganito na tingnan ng mga tao ang Pasko. Sa ikalawang linya ng awit ay direktang tinukoy na wala na si Jesus sa mundong ito. Bukod sa wala, siya'y patay na. Na siya'y ipinako sa krus sa panahon ng Imperyong Romano. At sa madaling salita, ang patay ay patay na. Kung mabubuhay muli ay isang misteryong hindi pa masagot ng agham.

Sa huling linya ng siniping stanza ng awit ay direkta ring ipinakikita ng banda na matapos ang Pasko'y balik na sa dati ang buhay ng mga tao. Na muling magiging magulo ang mundo. Na ang mga problema'y muling mararamdaman ng mga tao.

Maaari itong tingnan bilang paninira ng banda sa okasyon at masasabing eretikong pananaw. Subalit sa liberal na perspektiba, titingnan ito bilang dekonstruktibong pagpuna sa mga istrukturalistang paniniwalang naitanim nang matagal sa isip ng mga tao.

Ang ganitong paniniwala ng banda batay sa isang awit ay naipalaganap sa mga tagapakinig subalit hindi malay ang kanilang pagtanggap. Sapagkat ang pangalang Eraserheads noon ay sapat na upang tangkilikin ang alinmang ilabas ng banda. Sa isang banda'y hindi na kailangan ng backmask para malaman ang mensahe ng isang banda tulad nila. Na mababasa naman ito sa lyric sheet. Ang kailangan lang ay pagmumuni't pagbubukas ng isip.

Tags: literature, literary criticism, eraserheads, music, poetry

http://lvbamante.multiply.com/journal/item/20

Viewing History

Viewed 98 times by 67 people, latest on Aug 20, '10

 

 

12 CommentsChronological   Reverse   Threaded

delete reply jivaman wrote on Dec 15, '08 lvbamante said It's the season for being happy But the reason is dead and gone ang pagkakaintindi ko naman sa linyang ito, tungkol sa pagkasira ng diwa ng pasko. but the reason is dead and gone, ibig sabihin siguro, pinalitan na ni santa claus si jesus. hehehe astig, mabuhay ang E-heads!

delete reply piechan wrote on Dec 15, '08 jivaman said ang pagkakaintindi ko naman sa linyang ito, tungkol sa pagkasira ng diwa ng pasko i agree with jivaman, the spirit of christmas is gone yon lang yon.

delete reply chechepido wrote on Dec 15, '08 wow ganda ganda,..

delete reply dividetapos wrote on Dec 15, '08 those four lines can mean different things without punctuations. i think they're two sentences and goes like this: It's the season for being happy. But the reason is dead and gone if the reason for being happy takes a backseat when the season's done.

delete reply thedanceofeternity wrote on Dec 15, '08 agree

edit delete reply lvbamante wrote on Dec 16, '08, edited on Dec 16, '08 and the Spirit is Jesus Christ. :) anyway, isa lamang itong diskurso.

delete reply nobodycan wrote on Dec 19, '08 maganda ang inihain mong diskurso ha! subalit, sa kabila ng pagpuna ng banda sa karaniwang pagtingin ng tao sa panahon ng kapaskuhan, nagbanggit naman sila ng positibong pagtingin sa mga bagay-bagay, upang mapukaw ang isip ng nakikinig tungkol sa kanyang pananaw sa diwa ng pasko sa kasalukuyan. maaaring pesimistiko nga ang stanzang iyong nabanggit, ngunit tingin ko binungad lamang nila ito para imulat tayo sa negatibo, saka isinunod ang mga positibong bagay na tunay na bubuhay sa diwa ng pasko. sa huli, ang mensahe ng kanta ay pukawin ang isipan ng tao kung tama ba ang pagtanaw natin sa panahon ng kapaskuhan. at kung pasko na lang ba ang nagiging artipisyal na dahilan kung bakit dapat tayo magsaya. :)

edit delete reply lvbamante wrote on Dec 19, '08 maraming salamat sa iyong puna. isang kanta lang ang binanggit ko rito. pero kung titingnan at pakikinggan ang buong album, balanse ang kanilang pananaw sa pasko. gusto ko lamang ihain ang words of wisdom ni Lord of the Rhum sa librong Fruitcake. sinabi niya rito na "Fruicakes are for sale." Kung si Town Mayor naman, "There's a fruicake for everybody." Kontrahan, di ba? May fruitcakes, yes, pero dapat bumili. wala naman akong problema sa pasko. hindi ako si mr scrooge o sinumang ayaw sa pasko. isa lamang itong pagtingin ko. Meri Krismas sa inyong lahat! (ñ_ñ)

delete reply jules16mm wrote on Dec 25, '08 Merry Christmas! hmm, i agree on some parts! i love the song. pero, in my own understanding, Eraserheads, or the person who composed the song rather has implied that people today have now viewed Christmas as something seasonal, parang Fruitcake, seasonal lang, hindi mo mabibili pag ordinaryong araw, parang pasko. people celebrate Christmas pag December 25 lang, pero dapat naman natin icelebrate talaga everyday. Magulo siguro ako, pero sana naintindihan n niyo, sana magkaoras din ako na makapaglabas ng pananaw ukol sa awiting ito. salamat! nakakapagpabukas ng isipan, at isang mgandang ehersisyo para sa utak! Maligayang Pasko muli!

edit delete reply lvbamante wrote on Dec 26, '08 yes. December 25 because it was institutionalized. kaya december 25 lang natin nasasabi na magbigayan, magmahalan, chenes-chenes... pero nariyan pa rin ang mga problema. ayoko ng mga dahilang kahit "minsan man lang sa isang taon..." estupido kasi iyon para sa akin. malaki ba ang pagbabago ng buhay natin kung minsan man lang ay magbigayan at magmahalan tayo? pagmumuni-muni lang naman ito. natutuwa ako sa iyong komento. maraming salamat.

delete reply imtin02 wrote on Dec 25, '08 lvbamante said It's the season for being happy But the reason is dead and gone If the reason for being happy Takes a backseat when the season's done hindi ako gaanong sumasang ayon sa pag aanalisa. sa tingin ko, at malinaw naman na pinapahayag ng kanta na ang mga tao ay hindi na alam ang tunay na diwa at kahulugan ng pasko. masaya at magsaya, pero bakit ka nga ba nagiging masaya kapag pasko? magtanong ka sa mga tao at baka karamihan sa makuha mong sagot ay dahil sa regalo, "bonus", masasarap na pagkain, bagong damit, kalikaliwang mga parties, karamihan ay puro materyal na bagay. at ang mga ito ay nauubos din, natatapos. hindi ba ang tunay na kahulugan ng pasko ay ang kapanganakan ni hesus? ilan sa atin ang sasagot nyan? tanungin mo ang mga bata at baka mahirapan kang makakuha ng ganitong sagot. kung mas susuriin nang mabuti, napakaganda ng pagkumpara ng kompositor sa pasko at fruitcake. katulad na nga ng nabanggit, ang pasko ay para na lamang fruitcake, seasonal na lang. binigyan natin ng limitasyon ang kahulugan at ang pagdiriwang ng pasko. bigyan ding pansin ang iba pang linya ng kanta: "everybody everywhere people do you really care xmas time has once again arrived" may pagkukwestiyon sa mga tao kung talaga bang naiintindihan nila ang kahulugan ng pasko. "take a bite, it's all right a little lovin' and some fruit to bake life is a piece of cake" okay lang kahit anong pagdiriwang ang gawin basta may pagmamahalan at may rason sa pagdiriwang, magiging maayos ang lahat, (sa tingin ko hindi ginamit ang figurative na meaning ng "life is a piece of cake" ng direkta) peace! merry christmas sa ating lahat :)

edit delete reply lvbamante wrote on Dec 26, '08 imtin02 said masaya at magsaya, pero bakit ka nga ba nagiging masaya kapag pasko? magtanong ka sa mga tao at baka karamihan sa makuha mong sagot ay dahil sa regalo, "bonus", masasarap na pagkain, bagong damit, kalikaliwang mga parties, karamihan ay puro materyal na bagay. at ang mga ito ay nauubos din, natatapos. hindi ba ang tunay na kahulugan ng pasko ay ang kapanganakan ni hesus? ilan sa atin ang sasagot nyan? tanungin mo ang mga bata at baka mahirapan kang makakuha ng ganitong sagot. maraming salamat sa inyong komento. tiningnan ko ang reason bilang si Jesus. at matapos ang season, nasa backseat na siya. kung baga, "tongue-in-cheek" ang banat ng banda sa linyang ito tungkol sa pasko. wala namang problema kung maging materyal ang tao dahil nasa yugto naman tayo ng materyalismo. at aling institusyon ba ang nagpalaganap nito? ang Simbahan ay nagumon dito lalo na sa panahon ng Dark Ages hanggang sa Counter-Reformation. kailangan malalaki ang simbahan, ang mga gamit ay ginto, ang mga santo ay mamahalin ang mga damit, etc. na kung ibabalik kay Jesus, simple lang ang kanyang buhay mula pagsilang hanggang kamatayan. Kontrahan pa rin, di ba? maraming salamat sa inyong komento.