1. Uripong tinimawa
Sinulat ni Pigafetta
Sa kanyang abentura
Uripong tinimawa:
Si Enrique Malacca.
2. Webinar
Dumalo't nakikinig
Sa webinar na required.
Ang nasasa ulirat:
Ipi-print na certificate.
3. Bigla
Dumilat na'ng bombilya
Sa poste. Isang saglit,
Kumidlat. Napapikit
Ang dumilat kanina.
17 Marso 2021
Lungsod Quezon
1. Sariling Uica
Bago pa ang Castila
sa 'ting sariling lupa,
sinulat na ang uica
natin sa bato't banga.
2. Add-to-Cart
Walang quarantine pass,
Di ako makalabas.
Sa smartphone, tap-tap-tap
Sa food delivery app.
3. Mga Naulingan
Ang masasamang loob,
lilo na naluluklok.
Kampon nila'y sa facebook
copy-paste ang mga post.
4. Ang Himagsikan ayon kay Raymundo
Bulag akong dinala
kay Rizal, sa Dapitan.
Pagsalat n'ya sa mata
ko, dilim ay naparam.
16 Marso 2021
Lungsod Quezon
Limang Haiku
Louise Vincent B. Amante
1. Swivel Chair
Umikot-ikot
Ang upuang may kambyo,
Paa'y may kalso.
2. Tutok
Patingin-tingin
Di naman makabili . . .
"Call na, Kuya Wil!"
3. Touch screen
Himas sa sugat
ng android phone na baság,
Mam'ya, add to cart.
4. Sulat sa Post-it
Pagod na mata?
20 seconds: pumikit,
Tayô, upo ulit.
5. Nektar
Ang pipit-pusò,
Sumipsip sa hibiscus.
Humuni't busòg.
Pebrero 18, 2021
Lungsod Quezon
  |
| Larawan mula sa facebook post ni Mahtab Alam - https://www.facebook.com/photo?fbid=10159188425136719&set=a.10151580773336719 |
Mga Akala
ni Mourid Barghouti
Nakaupo ang isang makata sa kapihan, sumusulat.
Isang lola
ang nag-akalang sumusulat siya sa kanyang ina,
isang dalaga
ang nag-akalang sumusulat siya sa kanyang kasintahan,
isang bata
ang nag-akalang siya'y gumuguhit,
isang negosyante
ang nag-akalang siya'y nagbubuo ng kontrata,
isang turista
ang nag-akalang siya'y sumusulat sa postkard,
isang empleyado
ang nag-akalang sinusuma niya ang mga pagkakautang.
Isang tiktik na pulis
ang lumapit, dahan-dahan, sa kanya.
Salin ni Louise Vincent B. Amante
17 Pebrero 2021
Pebrero 14, 2021
Louise Vincent B. Amante
Nadiligan ang gumamela
ng mabining ulan.
Sumingaw ang lupa.
Naglakbay ang alimuom.
Kinumutan ng dilim ang langit.
Pumatak sa lupa ang luha
ng talulot.
Pebrero 14, 2021
Lungsod Quezon
Langgam
Louise Vincent B. Amante
Bigla niya akong kinagat.
Di ko namalayan ang kanyang
paggapang sa aking balikat.
Tiniris ko siya’t
pinitik
palayo.
Nagpatuloy ako sa pagta-type.
Deadline na mamaya,
Isang oras na lang.
Uminom ako ng kape.
Nang ilalapag ko na
ang tasa,
napansin kong
nagpupulong
7 Pebrero 2021
Lungsod Quezon
Niknik
Louise Vincent B. Amante
Gumapang ang niknik
sa katawan niya, palihim.
Humimpil sa puso
niya ang kulisap.
Lumaklak ito ng dugo.
Nalango ang niknik
sa sustansya,
napasayaw,
napahalakhak,
hinataw-hataw
ang mga pader
ng apat na silid
ng puso
ng may katawan
na kanya
ngayong tahanan.
Ilang sandali pa,
nalagot ang hininga
ng niknik.
Bigla na lamang
bumulwak
ang bibig
ng may katawan:
abo.
31 Enero 2020
Lungsod Quezon
In the film Spartacus (1960), there is a scene where Gaius Julius Caesar (John Gavin) visits his teacher and senator, Gracchus (Charles Laughton), and invites him to the Senate. Gracchus asks, "Joining Crassus?" Caesar replies, "What I do, I do not for myself. But for Rome."
As Gracchus sits in the hall and listens to allegations of rebellion, Crassus (Laurence Olivier) declares the former as the instigator. "Enemies of the State are known. Arrests are in progress. The prisons begin to fill. And every city and province, lists of the disloyal have been compiled," says Crassus. "And where does my name appear on the list of disloyal enemies of the state?" asks Gracchus. "First," replies Crassus, showing him the lists. This scene alludes to the experiences of Spartacus screenwriter Dalton Trumbo and nine other screenwriters and directors, collectively known as the Hollywood Ten, being blacklisted and barred from work by the major film studios. The Ten refused to answer questions in Congress hearings in 1947 about their alleged involvement and sympathies to the Communist Party of the USA. The hearings suspect they have inserted communist ideologies in their films. Since then up to the early 1960s, a list of suspected Communists in the Hollywood film industry was growing, from writers and scorers to directors and producers; thereby damaging the reputation of many people. The Hollywood blacklist was finally broken when Trumbo received full credit for the film Spartacus. *I do not own copyright of this footage. For educational purposes only. |
| Larawan mula sa https://lifeconfusions.files.wordpress.com/2013/10/hand_of_fire_by_qzr1.jpg |
