Pasasalamat (multiply post, Nov 7, '10 4:38 PM)

Kasalukuyan akong nagmamay-ari
ng 41 casinos
na kumikita ng $300,000 bawat isa,
ng 40 luxury hotels
na kumikita ng $200,000 bawat isa,
ng 40 opisina
na kumikita ng $150,000 bawat isa,
ng 40 highrise apartments
na kumikita ng $50,000 bawat isa,
ng 40 karaniwang hotels
na kumikita ng $10,000 bawat isa,
at ng 40 restaurants
na kumikita ng $700 bawat isa,
kada oras.

Sa sandaling ito, nasa $356,584,748,986
na ang nasa aking vault.
Bukod pa iyan sa nasa Mob Bank
na $500,000,000.

At dahil sa kailangan kong proteksyonan
ang aking sarili, nagmamay-ari din ako
ng 5 armored range rovers,
5 mercedes w220,
at 5 bmw 735
na armado ng 20 tommy guns,
20 bullet-proof vests,
at 20 miniguns.
Bukod pa riyan ang mga .38 at .45.

A, salamat.
Ang lahat ng ito’y dahil sa aking abilidad.

Kaya kong magpuslit ng droga patungo sa China
at suhulan ang aviation security.
Kikita na ako ng $45,000,000.
Kung magnanakaw naman ako sa mga lehitimong bangko,
madali na ang $107,178 hanggang $443,828.
Kung magpupuslit naman ako ng mga swabeng alak,
lango na ako sa $48,000 hanggang $72,000.

At para regaluhan ang aking mahal na doña
(at mga kulasisi) at mga anak, sigurado na ang nanakawing mga alahas.

Pinakamainam ang $100,000 bawat isa
kapag napatay ko ang sinuman
kina hauntaro, The Italian Outlaw,
shoota69, Roy The Gun,
at iba pa.
Lalo na ang imortal kong kaaway
na si Don Antonio Corleone.

A, salamat at hindi na ako naghihirap.
Mas mayaman pa ako kay Zuckerberg.

10/29/2010 

 

Tags: literature, mob wars, eklat, tula, facebook, postmodernism, panitikan, poetry

 

http://lvbamante.multiply.com/journal/item/62/Pasasalamat