Tahimik ang paligid
Kung kailan hitik ang misteryo
Ng daigdig sa panahong ito.
“May namatay daw kaninang alas-tres.”
“Sino?”
“Aba’y wala akong kinalaman diyan,”
sabad ng mamang bundat
sa serbesa ang tiyan.
Nagtawanan ang mga kainuman niya
sa korni niyang hirit ukol sa
kamatayan
ng Hesukristo.
At
sa kanilang harapan, nagdaraan ang Santo Entierro.
03/29/2013
Biyernes Santo
No comments:
Post a Comment